பாகம்-1 ஏற்கனவே ஒரு பதிவர் எழுதி விட்டார். அதில் சென்டிமென்டலாக, மிரட்டல் விடுத்து எப்படி சம்பள உயர்வு பெறுவது என்று இருக்கும். என்னிடம் அந்த வலைப்பதிவின் முகவரி இப்பொழுது இல்லை. அதை கண்டுபிடித்து பின்னூட்டத்தில் தெரிவிக்கின்றேன்.
இந்த பதிவில் எப்படியெல்லாம் காக்கா பிடித்தால் சுலபமாக எப்படி சம்பள உயர்வு கிடைக்கும் என்று பார்க்கலாம்.
1. தினமும் அலுவலகத்தில் மேனேஜரிடம் காலையில் குட்மார்னிங், மாலையில் குட்நைட் கண்டிப்பாக சொல்லவும்
2. மேனேஜர் அலுவலகத்திற்கு வருவதற்கு முன்னரே நாம் அலுவலகத்திற்கு வரவேண்டும். அதேபோல் மேனேஜர் அலுவலகத்திலிருந்து கிளம்பிய பின்னரே கிளம்பவும்
3. மேனேஜர் எப்பொழுதெல்லாம் நம்முடைய இருக்கையை கடந்து செல்கிறாரோ அப்பொழுதெல்லாம் எழுந்து நின்று வணக்கம் வைக்கவும்.
4. மலையிலோ or இரவிலோ மேனேஜர் வீட்டுக்கு கிளம்பும் போது அவருக்கு மறக்காமல் கார் கதவை திறந்து விடவும்
5. நீங்கள் சாப்ட்வேர் கம்பெனியில் வேலை பார்ப்பவர் என்றால் இரவு 11 or 12 மணிக்கு ஆட்டோமேட்டிக்காக ஈமெயில் அனுப்புவது மாதிரி உங்கள் outlook-ஐ செட் செய்து கொள்ளுங்கள். அப்பொழுது தான் நீங்கள் ஹார்டு வொர்கர் (hard worker) என்று தெரியும்.
6. தினமுமோ அல்லது வாரத்தில் ஒருமுறையோ மேனேஜரின் மேஜைக்கு அடியில் கால்களுக்கு நடுவில் அமர்ந்து(தேவை இல்லாத கற்பனைகள் வேண்டாம். கெட்ட புத்திபா உங்களுக்கு) மேனேஜரின் ஷூ-க்கு பாலிஷ் போடவும்.
7. மேனேஜர் போட்டோவை பர்சில் வைத்துகொண்டு மேனேஜருக்கு தெரியும்படி அதை அடிக்கடி திறந்து பார்க்கவும்.
8. மேனேஜருக்கு வாக்கிங் போகும் பழக்கம் இருந்தால் நீங்களும் தினமும் அவருடன் வாக்கிங் செல்லவும்.
9. வார இறுதியில் மேனேஜர் வீட்டிற்கு சென்று தேவையான வீட்டு வேலை செய்யவும்
10. அவர் வீட்டில் இருக்கும் நாயை கொஞ்சவும்.
11. மேனேஜருக்கு டீன்ஏஜ் வயதில் பெண் இருந்தால் அவளை சிஸ்டர் என்று அழைக்கவும்.
12. குடும்பத்துடன் தியேட்டருக்கு சென்று வர புதுப்படத்திற்கு டிக்கெட் எடுத்து தரவும்
13. மறக்காமல் அடுத்தவனை பற்றி போட்டு குடுக்கவும்.
0 திட்டுகள்:
திட்டுங்க.. ஆனா no bad words...